زمان كان النت صعب وممل وباااااااااااايخ ( أميص من مية اللفت ) ورغم كده كان فيه ناس نتيته بردك وبتحمل أفلام فى تلات أيام ووصل السلك بتاع التالافون بقى وبييييييييييخ فيييييييس بوخ بوخ وأصوات عجيبه يابا الحاج طالعه من السماعات ...عدم اللامؤآخذه بتفكرنى بحاجات مش كويسه ( مش عايز أفسر ).
تحس إن سافون بيتشد...
وبردك كنت بلاقى اللى بيخش ويعمل شات ...حتى فى يوم لقيت الواد عبقرينو إبن خالتى قاعد عمال يتكتك على الكى بورد ولا كأنه سكرتيره فى مكتب شغاله على آله كاتبه...( بس الفرق بقى بين الآله الكاتبه والكيبورد إن الآله تقيله ( دى معلومه بينى وبينكم دا إنتوا ياما هاتستفيدو من خبراتى ) ..المهم قلت للواد عبقرينوا : هو إنت بتعمل إيه يا عبقر...قاللى بشيت ...قلتله مش شايف أى شيشه يعنى ...راح ضاحك وقاللى بشيت يا شلنكح ( شلنكح ده إسمه الشهره إنما عدم الامؤاخذه الإسم الحقيقى اللى فى البطاقه إسم نضيف قوى وإبن ناس ( لاشين ) .
قولتله يعنى إيه التشييت ده ..زى التجليخ او الصنفره اللى قبل وش الدوكو يعنى ( محسوبكو سمكرى سيارات بريمو أصلا بس مش برضى أقول للناس علشان ما أعقدش حد ...هايقولوا بقى صنايعى ونتيت ومعاه 4 لغات صعيدى وبولاقى وفلاحى وبور سعيدى ...لألألأ أنا كده أتنظر على فكره .
وقعد يشرحلى حاجات جامده وعايزه مخمخه بصراحه وقال : الشات أنواع يا إما عام وده بيبقى أكتر من واحد بيختارو موضوع يتكلموا ويتناقشوا فيه أو خاص وده بيبقى فى غرفه واحده ...رحت رافع صباعى وقلت بإحترام لعبقرينوا لو سمحت يا مستر بس هو الغرفه دى بقى ممكن يبقى ولد وبنت قاللى :لألألألأعمرها ما تحصل ...قلتله الحمد لله ..طمنت قلبى ..( بلعتها بمزاجى علشان عارف إنى هالبد له فى الرايحه والجايه لو عرفت إنه بيكلم بنات وأبو قسم يا بوب.
وفيها لأخفيها ....وكمل كلامه وقاللى إن البرنامج اللى بيعمل شات غرف أو عام إسمه الياهوو...رحت مغنيله عالياهو الياهو الياهو ياقلوب مت.....بس مش فاكر مبحبش ورده أصلا...
بس بعد ما تعمقت لوحدى وإتعلمت أبقى نتيت على أبوه ..الواد عبقينو بقى صفر جنبى وعرفت معلومات قيمه..
الراجل مش بس بموقعه الراجل بالأبلود اللى بيرفعه ........سلاكاوى أنا بقى.
