أعزائى المستمعين أهلا بيكم فى موجة راديو صوت العبط
راديوا صوت العبط ( للإستهبال رجال ) راديو صوت العرب (ينقل لك الحدث قبل ان يحدث بست سنين ) راديو صوت العبط (معانا أنت فى يد عبيطه يعنى خلى بالك من الصباع إياااه )
إنه صووووووت العبط
اهلا بيكم مستمعينا مره تانيه وميه فاصله همزه راديو صوت العبط
نستهبل برامجنا العبيطه بأغنيتنا اليوميه الراب
( مفيش أحسن من كونك تبقى نشيط.. بدل ما إنت نايم على طول يا عبيط
بص لنور الشمش وافرك العوماص .. إخبط صحن المش وإلحق إجرى ورا الباص
جوه الاوتوبيس ييجى ميت مليون .. حاسب وإنت نازل تنسى البنطلون )
وبعديها ها نسمع برنامجنا المفضل ( صباحوا نبر ) للنباره الكبيره زكيه العقربه
واللى ها تعرضلنا فيه مجموعه من أسود الاغانى ع الصبحيه زى جئت لا اعلم من أين ولكنى اتيت بتاعة عبد الوهاب و طريقك مسدود مسدود مسدود يا ولدى لعبد الحليم وأغنية دور عليه دور لشاديه ودى ها نسمعهالك وإنت بتدور على المفاتيح ودمك محروق طبعا ..إحنا بقى ها نحرقهولك زياده..
ومع فاصل إعلانى
شا ليهات الخشا مات (جايه من يختشى )
عندك رمه أو جثه مهمه تعالى وهاتها معاك فى شاليهات الخشا مات
هوانا
يرد الروووووح
لبان ( خالتك نعناعه )
لو حاسس إن الناس قرفانه منك .. محدش طايقلك كلمه .. الناس واخده منك كيرف..أوعى تبقى نيرف.
معانا لبان ريحته أقوى من اى بيرف
طقطق وإتشدق براحتك مع نكهة النعناع
وخليك فاكر اللحظه الحلوه ما بتتكرعش تانى
نستهبل خريطة برامجنا تانى معاكم
فى تمام الحادية عشره نقدم برنامج
يقى إنت اكيد فى مصر لمقدمه عباس الفوضحى واللى بيستعرض فيه الخرابات اللى ماليه شوارع مصر والحمامات العموميه المقرفه والمساكن العشوائيه والصرف الصحى اللى طافح فى الارض
ويليه برنامج أزمه خلت للى زينا لزمه لمقدمه ممدوح أزمات واللى بيستعرض فيه أزمة الأنابيب والعيش المدعم والعلف الحيوانى والأسعار والبورصه
ويليه برنامج الكوره فييييييييين لمقدمه سعيد أبو ركبه
والى ها يستضيف فيه اللاعب المحترف فى فريق أبو اتاته سيد بشله
وحكايته من أيام الكوره الشراب لحد ما وصل للأمله اللى هو فيها دلوقتى
وها ننتقل لإزاعه خارجيه للدويقه لنقل خناقه بين مازن الابيض وشوية عيال سيس كده ونشوفه وهو بيروقهم على حق ( عند أم ترتر يا مازن )
يتبع ...
ليست هناك تعليقات:
إرسال تعليق