وفكرت ليه الشباب بيستعملو البرفان (كل واحد وظروفه) اللى نظيف وعايز يحافظ على نظافته واللى معفن وعايز يحافظ على شكله قدام الناس واللى واخدها تعود واللى بيلم بيه البنات ومن غيره تطفش منه الحشرات ......ما علينا من القرف ده.
رحت متسحب وداخل أوضة بابا (كالعاده) علشان أفسسلى فسه من البرفان بتاعه وبا أدوس.... وفسسس... مفيش فس ...طب فسسس. مفيش... طب فس وخد الجمعة أجازه وتعالى السبت بالليل
(مش ها يفهم النظام ده غير بتوع 6 أكتوبر وعمال المصانع)
إعتمدت وطلعت من بيتنا بريحة جسمى الطبيعيه وأمرى لله قابلت الشيخ أحمد (الله ياخده ويريحنا منه) حاولت أتدارى منه لكن مفيش فايده قفشنى ..... سلامات ...أحضان ... قبلات.. و فجأه وعلى خوانه راح ماسح فى إيدى ريحة من بتاعة الشيوخ اللى تطلع الروح دى
رحت هابب فيه إإإإإإإإإإإإإإإإإإإإإإإإإإإإإيييييييييييييييييه
حرام عليك ها تضيع منى المز .... الوظيفة اللى رايح أتقدملها
قعد يقول إنى مش بفهم فى العطور وإنى جاهل سبته يبرطم ومشيت
وأنا بتخيل السم اللى ها أسمعه فى ودانى من المزه لما تشم أسانس شاديه ده ومتبخر بخوره سودا..
بس حصلت حاجه غريبه البت شمت الريحه وعجبتها تصدقووووواا لأو قالتلى عليها إذا كان منها حريمى رديت بزهول هى تنفع لجنسيين وتطفشى بيها الفيران وتموتى بيها الجيران وبتستعمل لما تكونى فى الأوتوبيس ومش لاقيه مكان ههههههههههههههه
المهم إن الخابور إنها طلبت منى قزازه كادوه فى عيد ميلادها بكره وطبعا رجعت للشيخ أحمد أدور عليه زى الكلب الأرمانت وللأسف ولجل النحس ما لقيتوش رغم إنه على طول كان متلقح مش عارف إختفى إزاى يمكن ظابط شمه راح مسكه تعاطى ولا حاجه ( هى بصراحه ريحه دمااااااااااااااااااغ)
معلومة صغيرة
الروايح الطبيعيه بتاعة إخواننا السنيين دول روايح جميله وطبيعيه وصحيه لأن الروايح والبرفانات اللى داخل فيها الكحول بتنقض الوضوء لأن الكحول ماده نجسه وأكتشف الأطباء إنه بيجيب سرطان الجلد
(على مسئولية الشيخ أحمد)
ليست هناك تعليقات:
إرسال تعليق