سوكا بازوكا

لما تصحى على صوت جميل رنان ولا تصحى على صوت سيفون أنهو أحسن ؟؟؟
طبعا مش محتاجه سؤال؟!!

طبعا الصوت الجميل لكن لو مفيش غير الوحش نعمل................ إيه شكلكم لسه ما فهمتوش قصدى
الحكايه بتبتدى ع الصبحيه ومن غير مقدمات صوت غناء ما ميزتش أولا ده غناء عربى ولا أجنبى وماميزتش دا أصلا صوت مطرب ولا مطربة ولا البلاعه بتفور (سورى ) قلت يمكن علشان أنا لسه صاحى من النووم
قلت أبص على المصدر العجيب اللى طالع منه الفوران ده يمكن بيتنا قلب مصنع للمفاعل النووى وأنا مش عارف وفجأه بصيت على التليفزيون ( الله يجازى اللى إخترعه )وقابل يا معلم حاجه سودا ملفوفه فى حاجه سودا
نوضح أكتر هو الظاهر إنها حاجه بتغنى بس لسه لحد الآن محددوش ده فصيته إيه بالظبط
يعنى برمائى ولا بيتغذى على العشب ولا كائن منقرض ورجعوه تانى ولا دا يطلع إيه
الله أعلم
المهم طلعت بعد ما فقت مطربه سودا إسمها( حاجه جاكسون ) حاجه يعنى شىء
مش حاجيت ولا زارته حتى طبعا
وطبعا ما طلعتش غلطان فى موضوع الحاجه السودا الملفوفه فى حاجه سودا
لأنها كانت لابسه فعلا فستان مقطع إسود جلد لميع يعنى لو شافها واحد من العيال البهيجيه اللى على الرصيف ها يقوللها تلمعى يا هانم
هههههههه
طبعا ها يغلط ويلمع كله ويريح دماغه
سيبك من دا كله صوت زى الزفت وبلعناها
شكل إستغفر الله العظيم وفوتنا ونفضنا
لكن لو ركزت فى الكلمات تسمع العجب
ما علينا نخليها للآخر
دلوقتى ليه أنا مسمى المقال سوكا بازوكا لو حضرتك يا باشا
يا راجل كنت أو ست
دى حاجه ما تتداراش الهانم كانت عندها لا مؤاخذه حاجه بعيد عنك وعنها وعن السامعين جميعا صدر المفروض والله يتكتب عليه حصريا
ههههههه
حاجه بركه
سيبك المظهر مش مهم نرجع للنقطه اللى فاتت الكلمات تخيل إنت لو واحده تغنى وتقول إنت حبيب الليه طيب ما كنش فى مكان أنضف أبقى حبيبه ...