الدنيا مجنونه

الدنيا ما ما جنونه ما جنونه مجنونه ماجنونه....الكلمات الأى كلام اللى فاتت دى كانت سبب فى نجاح مغنى شاب ...( والله كانت على طرف لسانى كلمة مطرب بس مارضيتش تطلع لأن اللى بيعمله ده حاجه والطرب حاجه تانيه ...) بس إن جينا لمسنا الواقع ها نلاقى عنده حق...فعلا الدنيا مجنونه والحب لازم ..ما عمركش طلعت أوتوبيس ..وتلاقى شخص هو هوووووووو..ما بيتحركش ..وعمال يكلم نفسه ..او بيضحك لوحده ومعروف طبعا الضحك من غير سبب قلة أدب...بس مين فينا مش مجنون ..؟؟مين فينا معندوش عقده فى حياته ...؟؟ مين يقدر يقوللى كيف السبيل لما نحن فيه من غلاء وعباء...العلاقه بين المسئول والمواطن بقت زى علاقة الراجل ومراته...يعنى لو سألت مسئول مثلا هايقوللك إن المواطن من دول مالوش غير الكلمه الحلوه والأكله الحلوه ..والقاعده الحلوه ..ولا مؤاخذه النومه الحلوه..