طلعت إشاعه إن فيلم أحمد مكى الجديد إسمه سيسنيك ....( ثعبان البحر ) ..تحويره مفقوسه ...
ولما برده قال كلام متجاوز فى فيلمه دبور...زى أبو لبده ..زى أبو رياله أبو تيييييت ...والمشكلة إن تيت دى إتقالت برده فى فيلم كابتن هيما من مروه عبد المنعم ...وإتقالت فى فيلم الداده دودى ...وهانروح بعيد ليه ..عندك فيلم الليمبى لما قال لحسن حسنى وانا اللى كنت بعتبرك أب من أبهاتى ...( والفيلم كله تعبان مولله ) وبرده لما أحمد حلمى فى فيلم كده رضا سمعتوا الشابين اللى إتبلطجوا على سمسم وهو مع منه شلبى قالولوا إيه ( هى كانت بتشطفك ولا إيه ؟؟) كلام مسف ورخم ومالوش ريحة اللزمه .. طب ليه ..لو تسألهم هايقولوا إن السينيما صناعه ولازم تخاطب جميع الأزواق ...مبدأ الغايه تبرر الوسيله ...علشان الفيلم ينجح لازم يبقى فيه كلمتين أو لفظين أو قبلتين أو مشهدين ساخنين ...والناس بتضحك ...وشر البلية ما يضحك ...للأسف يا جماعه الإلتزام بقواعد الدين بقى زى القمقم اللى ناس عايزين يطلعوا منه اكتر واكتر عايزين ينفتحوا بسياسه ضاله هاتحولنا كلنا لكلاب ضاله ...المبادىء بينهم ميته ..الضعيف ينداس..ونسينا كلمة الفاروق عمر ( كنا أزلاء فأعزنا الإسلام ومهما إبتغى العزه فى غيره ..أزلنا الله..) صدق الفاروق عمر ....
لما نسمع كلمات أغنيه بتقول الدنيا دى فيها كام بلياتشو الزمن لطشوا أفا حرقوا بجاز الزمن وعدوا قام صدق هتشوا ...مش برده الزمن ده ربنا حذر من سبه وقال فى كذا صيغة حديث قدسى لا تسبوا الدهر فإنى أنا الدهر.. وقال يأذينى إبن آدم ..يسب الدهر وأنا الدهر أقلب الليل والنهار...فيما معناه ..
وممكن تروح تقول الكلام ده لحد وتلاقيه بيردد قبلك ...يعنى حافظ اهو ...أومال فييييييين بقى ...؟؟؟؟
عيب يا مخرجين مصر يامدعين إنكم بتقدموا رساله ...إزاى تقدم رساله فى إيد مسطول زى الليمبى أو بلطجى زى إبراهيم الأبيض...أو عاطل وبياع سريح زى حنتيره ...نماذج أصلا ما إتربتش على الفضيله ...وفاقد الشىء لا يعطيه ...إلا إذا كان المكسب المادى بس هو اللى يهمك ..ساعتها ما تكذبش قدام الصحافه وتقول أنا صاحب رساله ....رسالتى الأخيره ليك أيها المخرج قم بعملية الإخراج بتاعتك بعيد علشان فيه ناس بتقرف من المنظر والريحه كمان ...وإحنا آسفين يا صلاح
ليست هناك تعليقات:
إرسال تعليق