سلك مواعين

تخيلوا المصيبه ده اللى بيكلمكم كان بيبى ....أه طبعا مهو كل واحد مننا كان بيبى فى يوم ... بس اللى بيكلمكم ده مش أى بيبى ده كان بيبى شقى بطريقه مرعبه وكنت بآخد علق ما اخدهاش حمار فى مطلع وطول النهار فين مازن ... مش باين من الأرض اصلا.. وعامل مشاكل بعدد شعر راسه بس ولله الحمد كنت اكتر طفل محبوب وليه شعبيه جامده جدا وكله بيلعب مع العبد لله اللى فرد الحديد وتناه فى يوم من الايام كنت مع شلتى وكنت وانا طفل شلتى دى كلها أطفال لونهم ابيض و أنا بالرغم من إنى زعيم العصابه ( كنت زعيم عصابه وانا عندى 3 سنين ) ( شايفين الهنا اللى انا فيه )
و أنا كمان كنت ابيض من كده كمان وكان من ضمن شلتى وانا طفل الواد كريم ده لو عايزين تصاحبوه يعنى
http://www.facebook.com/karime1
... المهم إنضم لشلتى طفل اسود فحمه وانا ما كنتش لسه شوفت فى حياتى حد اسود خالص اول ما شوفته إنزعرت كالعاده وقولت يا خبر إيه ده بالظبط ده كان طالع من بلاعه ده ولا إيه
وعلى طريقة كركر خطبت فى المقاريد بتوعى
يا جماعه الواد ده مهبب ولو ثيبناه معانا هايهببنا كلنا طلع واحد من الشله وقاللى نعمل فيه إيه يا ريس ؟؟؟
وبرده على طريقة كركر فى مستشفى المجانين قولت ببرائة الطفل
الواد ده لازم يتغثل ( يتغسل يعنى )
كتفووووووووووووووووه
وفعلا اصحابى كتفوه وروحت جايب كوز ميه ودبيت اصابعى الضغنونه فيه و هاتك يا مسح فى الواد
والغريب إن الواد ما إبيضش ده بقى إسود بس لامع ههههههههه
وقفت أفكر والواد عمال يستغيث سيبونى يا ولاد ال تيييييييييييييييييت
وانا قررت بعد تفكير عميق وإتوصلت لفكره أخيره ومال عليا واحد من الشله وقاللى شكلك بقى وحش يا رياسه
الواد ما إبيضش
زعقت فيه ( مهو انا الريس بقى )
إثكوت إنتا انا عارف بعمل إيه
روووووووووووح هاتلى ثلك مواعين ألمونيا
الواد الاسمرانى سمع الكلمه من هنا رقع بالصوت على طول وفلفص من وسط العيال وجرى بإعجوبه ... مش عارف إيه زعله ده كان فاضلله فوممين ويبقى واحد من الشله خلاص ..