الكتاوت والفلنشات

كنت قاعد فى الشغل زهقان وقرفان وبفكر فى إزاى أكسر الملل والرتابه اللى فى حياتى ( شغل وطحن طول النهار وحفظ أنواع قطاعات الألوميتال وبتشتغل فين (قبنورى ولا إيجى بيل ولا الماسه ولا ولا .. وش ووجع دماغ وأارقام مابتنتهيش ) فبما إنى لسه شاب صغير ما كملتش 23 سنه كنت لازم أقعد أتخيل مع نفسى إنى متجوز وبحب أحلى واجمل واحده فى الدنيا ( اللى هى بالمناسبه ماحصليش الشرف ولا صاحبتها ولا أعرفها أنا بس بتخيل مع نفسى شكلها ) وبرده بما إنى شاب لسه صغير وطايش كنت بفكر فى البنت كجسد بس مزه ولا مش مزه حلوه ولا مش حلوه ؟؟
عينيها رموشها لونها شعرها رقتها مشيتها ... وعمال برسم فى خيالى .
جه فؤش اللى يحرقه مطرح مهو قاعد وهجم زى البقره كالعاده ..
مزوووووووووووووون عامل إيه أبو المزن ؟ أنا جيتلك بمصلحه جامده قوى عروسه على كيفك
( طبعا الحمار قصده على العروسه أنها العربيه اللى ناوى يخلصهالى )
قولتله ودى شكلها عامل إزاى ؟
قاللى بص يا سيدى هى بصراحه حلوه وبنت حلال ( ده قصده على العربيه وانا فاكره بيتكلم عن بنت )
قولت كويس .قال أولا الجسم إنسيابى قوى ..
أيوه يا ودييييييييييع
- والكبوت ينفع تقعد عليه .
يا سيدى يا سيدى
- والدركسيون تعرف تتملك منه حلو .
أوباااااااا كمل كمل
- والكتاوت بتاعة الكلكسات ميه ميه .
يعنى عاليه قوى يا فؤش ؟؟
- عاليه عاليه يا ساحبى .
والإكصدام مشكله ... مشكلللللللللللله
أووووعى الهوا .
ولا إكصام العربيه الجيمس فى زمانها .
يا فؤش بلاش تبزير دى ها تبقى إستعمال فرد واحد بس مش ها نجيب عشره يعنى يشتغلوا فى الإكصدام مفتحنهاش سبيل ولا كولدير دى بنت ناس برده ولا زم نحافظ عليها
- طبعا طبعا يا ساحبى حاجتك برده وإنت حر بس حاسب علشان ساعات بتحدف.
يعنى إيه بتحدف ؟ يعنى قليلة الزوق ولا إيه ؟
- هههههههههه إبن نكته من يومك يا مزون لأ يا عم عادى شوية تظابيط ومش ها تلقاها تحدف تانى بس أهم حاجه لما تيجى تركب.
باااااااااااااااااااااااااااااااااااااااااااااس إنت ملكش دعوه بالموضوع ده ... فاهم ولا مش فاهم ؟؟
- فيه إيه يا مزون مالك قلبت عليا ليه ؟
علشان ها تخيب وتتدخل بين راجل وواحده من المفترض إنها هاتكون مراتى .
- يا عم مزون مراتك مين وبتاع مين أنا قصدى على العربيه اللى كلمتك عليها ..
بصيت لفؤش بزهول وإتكسفت قوى ووشى إحمر من الخجل وقولتله : أنا مش قلتلك قبل كده إنى مش ها أشترى عربيات علشان بخاف من السواقه .
بصلى بخباثه وقاللى يعنى ما بتعرفش.
رديت بسرعه وقلت طبعا ما بع... ....إمشى ياض من هنا ياض لحسن أضربك بأى حاجه تقابلنى .