كنت ماشى ولا حول ولا قوه ولا اى حاجه فى البتنجان حتى ..
ماشى مسلمها للى خالقنى
دخلت على سوق قريتنا قولت ييييييييييه ..بكره الزحمه .. أم التلزيق والقرف والعرق والنتانه بقى دى آكتر حاجه بكرهها فى حياتى ..
مشيت وامرى لله ..ييجى راجل ..افاديه عيل ..أضربه على قفاه ... وليه.. أوسعلها .. مزه ..أعمل أهبل .. عربيه ..اعمل من بنها .. شاب جته ..اعمل عيشه .
وعلى كده ماشى ..والزحمه بتزيد ..مش بتخلص .. وفجأه .وبدون مقدمات ولا توالى .
بضرب بعينى فى الارض لقيت نص جنيه قلت يا فرج الله . كنت فين من بدرى كنا ركبنا من الشارع بره بدل الزنقه والخنقه دى ..لسه بحط النص فى جيبى سمعت صوت بيزعق بطريقه تخض أى كائن بشرى مهما كانت شجاعته ... وبيقول : ياااااااااااااااا حراااااااااااااااااامى . قولت والنبى يا عم ما سرقته ده كان مرمى على الأرض والله . وانا بتكلم لقيت الصوت بيكمل كلامه وبيقول : يا سااااااارق وقت الله لما تترك الصلاه و تطلب الدنيا وزينتها الكاذبه .. ببص على الصوت طلع صوت تسجيل .
قلت : يا نهار إحوس وملحوس عليا وعلى سنينى السوده بقى اللى كان مثبتنى الدقيقتين اللى فاتوا دول كان حتة شريط للشيخ محمد حسين يعقوب . هههههههههههه.
ليست هناك تعليقات:
إرسال تعليق