مره كنت قاعد بقرأ جوران المصرى اليوم ولقيت فيه صورة حمار وكلب مدبوحين ...
حمار وكلب مدبوحين ؟؟؟!!!
أه يا سيدى حمار وكلب مدبوحين
ولقيت الراجل اللى بيبيع اللحمه بتاعة الحمير والكلاب ده مكتوب إنه من قريه مجاوره لينا قلت اهلاااااااااااااااااااان وسهلا
ولما مسكوه ظبطوه الظبطه الصح قر على الناس اللى كان بيبعلهم اللحمه وكان من ضمنهم محل إسمه الطيب قبل موقف كرداسه بشويه
المهم يا معلم أنا إنزعرت طبعا لأنى وللأسف وللأسى كنت من اهم زباينه .. وواكل عنده ييجى 3 حمير وكلبين .
وطبعا ما تتخيلش الصدمه النفسيه اللى بقيت فيها من ساعتها يا برنس وبطنى مش قادر أكل حاجه ولا طايق نفسى ودخلت جوه اوضطى وشغلت الرايو طلع اغنية سعد الصغير بحبك يا حمار رحت فتحت التلفزيون لقيت إسماعيل يس عمال بيدهن فى كلب ويقول قوللى عملك إيه كلبى كلبى اللى إنت ناسيه قوللى... كنت ها اعيط بس تمالكت نفسى
وقولت ياض هو كل الميديا ووسائل الأعلام متسلطه عليك ليه النهارده ؟؟؟!!!!
وقولت انام يمكن أنسى وجالى كابوس فظيع حلمت إنى كنت قاعد مع صحابى وكلهم ليهم ديل ما عدا انا وفجاه لقيتهم إتلموا عليا وهم بيقولوا إنت لازم نركبلك ديل زينا
إنت مش احسن مننا وفعلا كانو هايركبولى ديل بس صحيت وانا عمال أصرخ بصوت مسموع وانا بحسس على أسفل الظهر كده وأقول أوعوا تركبوه اوعوا تركبوه ماتركبوهوش أرجوكم
وطبعا ببص ورايا لقيت أختى بتزاكر ومعاها صاحبتها لأن اوضتى فى الفتره دى كانت مشتركه مع اختى ... وكان موقفى زباله واحد بيحسس على اسفل الظهر وبيقول ماتركبهوش ماتركبهوش يبقى كان بيحلم بإييييييييييه اكيد شىء مش تمام..
المهم ما علينا من المواقف الزباله دى
اهم حاجه فى الموضوع إنى لما بقيت أروح للطيب بقيت آكل زى ما انا عايز والسندوتش بجنيه بدل جنيه ونص ومليان على عينه وكمان المحل مش زحمه زى الاول يا ترى لييييييييييه ؟؟؟؟؟!!!!!
ليست هناك تعليقات:
إرسال تعليق