السحلبيسا

الشاب السنكوح بيعترف ويبوح..ويقول بصوت مبحوح.. 

 
كلامنا بين إيحاء وكذب وإفتراء ..

كلام كتير مركون سمعته فى

الكراكون أو فى فيلم كرتون

..

كلام مش فى الجون ... ولو المتكلم عاقل يبقى المستمع مجنون.

كلام جاره لجارتها فى وصلة ردح عاليه ولمه كل الناس..كلام راجل

عجوز ضارب للدنيا بوز وداق من كل كاس.

سيبونى أوضح مره سبب الإلتباس

.
كلام نتيت فى ياهو ..وشباب فى الدنيا تاهو ..

كلام دبور ولمبى والدنيا مظريطه..مبحبش السبانخ أصلها مظرظطه.

كلام بياع فى شارع ..بيقول قرب يا بيه ..ده كلامى نخل فارع وصعب

تعتاليه
سامحنا يا عم فرانكو ا أصل إحنا مش فاهمينك ..ياشبابنا دارو عاركوا

..قول يا (إبن مالك) فينك ؟

جرب تترجم مره كلمة أجنبى...شوف ليها عند لغتنا كام تفسير

 
ولو ما كنتش يوم غبى ...هاتلاقى من لغتنا ناس كتير تغير

جرب تدى كلامنا ليهم إزاى هايفسروه .. دى هاتبقى حوسه لوصه

وكسه ياناس ياهو.

الكلمه ليها بديل فى لغتنا الف ألف كلمه.. وتعيش معاها تحس إنك

إنت فى أحلى نعمه.

حتى الشتيمه والقذاره ليها بديل عفيف

حمام بدل طرنش وباكابورت ومنهول كنيف

ويا إما تقول كلام مفوم يا إما تفز بسرعه تقوم

ياإما كلام يبقى تمام يا إما تبقى عادل امام

وسحلبيسا سحلبيسا هلا هلا على البعليصه