وانا قاعد مستنى باص الشغل متنح وباصص لقدام وساكت خالص وعمال بتفرج
أى عربيه تعدى آخد النمر أى توكتوك يعدى آخد النمر أ.. أى أوتوبيس يعدى آخد النمر
أى مزه تعدى آخد النمر برده .
جه واحد من زمايلى من ورايا زى البقف وراح مزغزغنى ومعروف إنى بركب الهوا
من أقل حاجه
وعلى النحس كنت بعاكس بت وبقوللها تتجوزينى و أغسللك الصحون راحت إبتسمت
طب تتجوزينى وأسيقلك البلاط طب تتجوزينى واطبخلك
طب تتجوزينى وأرررررررررررررررررررررررركب الهوا
( فى اللقطه دى كان صاحبى بيزغزغنى ) البت بصيتلى وضحكت بصوت عالى وإتكسفت قوى وجريت ..
رحت ماسك الواد صاحبى مهزقه شويه..
- إنت يا حمار دا خل فى توقيت زى الهباب على دماغك .
- إنت ياض مش ها تبطل معاكسه فى البنات بقى .
-يابنى البنات دول إحنا ولا حاجه من غيرهم .... يعنى عندك البت دى اللى واقفه سرحانه دى البيضا القمر دى
تخيل ... مصاحبة حتة باكابورت عيل ما استنضفهوش يلمعلى الجزمه أصلا ... وفعلا الواد راح طالع من الشارع اللى ورانا وقابل البت وهزقته على التاخير وإحنا شايفين الحوار من بعيد ...
قلت لصاحبى مش دى بس .
عندك البت الطويله دى امو قصه
انا اللى عقدتها فى حياتها وعقدتها فى قوريتها ..كل ما تيجى من ناحيتى أروح محسس على شعرى تقوم تفهم إنى بعايرها بقورتها لحد ما خليتها تجيب قصه عليها... وعندك البت دى ..الهوا إمبارح طير الباروكه بتاعتها
ودى الهوا طيرلها المسائل ... ده كان يوم
الدنيا عماله تصفر وتخضر وتحمر
وساعات الدنيا ما بتبقااش موجوده...
الواد كان سرحان وإنتبه مره واحده وقال بزهول ياااااااااااااااا راجل مش موجوده خالص ؟؟؟!
قولتله ايييييييييون الإرسال كان فاصل خالص
فصل وجاب الاوروبى على طول
ههههههههههههههه
قال يااااااااااااااه وأنا أقوووووول الواد ده ملتزم وبييجى أول واحد ليه أتاريه مش إلتزام ولا حاجه دى وساخه على كبير.
طب يلا بقى علشان عمك عويس جاى اهو بالباص بتاعه
وفعلا ركبنا وماشيين
وكل اللى فى العربيه تعبانبن ونايمين وانا الوحيد اللى من الشباك عمال بصفر وأقول
أييييييييييييوه كده يا وديع .
والناس طلعت فيا يا جدع إرحمنا بقييييييييييييى
ليست هناك تعليقات:
إرسال تعليق