كنت رايح الجامع أصلى الجمعه الساعه 9 الصبح وانا صغير خالص ( واد ملتزم بقى لازم ييجى اول واحد ) وكان معايا أنتيمى وحبيبى الشيخ أحمد كان لسه الواد احمد ساعتها
وكنت بقولله ياض انا نفسى اخطب على المنبر تعالى اعمل بروفه كده قدامك سألنى فى بلاهه معهوده عنه : تعمل بلوفر إزاى هو إنت بنت ولا بتعرف تعمل شغل كروشيه ؟!!!
رديت وقولت يا حمار إحنا فى جامع ما تخليش الواحد يغلط ويعبط فى الكلام .
طلعت فوق المنبر وقولت خطبعه عصماء
م تخرش الميه وبعد ما نزلت سألت الشيخ احمد عن الخطبه إيه رايه فيها .
قال : فيه كام ملاحظه صغيره
أولا شجرة الدر ما مامتتش بضرب الكاوتش الاميجو اللى بينور ولا فرعون مات غرقان فى البيسين و قابيل ما قتلش هابيل فى شارع زغلول فى الهرم وطارق إبن زياد ما حشدش الجيوش لغزو الاندلس بالsms ولا صلاح الدين كان عنده مكنه بجاج ...
وبعدين لما تيجى نازل من على المنبر إنزل على السلم ما تتزحلقش على الدرابزين ...عييييييييييييييب.
ليست هناك تعليقات:
إرسال تعليق