كنت وكالعاده لما يحبوا يكدرونى يجيبولى تهمه ويرجعونى ورا أصنفر مع أى بلوه من البلاوى المرادى البلوه إسمها محمود سمير بس لما سألته طلع عين أمى عقبال ما عرفت إسمه صح أصله ألدغ فى الره بيقولها ويه زى شخصية على قنديل عبكويم ( اللى هى عبد الكريم أصلا ) تحريف غير مقصور نتيجة لاوحة لسان بس على قنديل سليم على فكره مفيهوش حاجه ده علشان الدور بس هههههه
كنت قاعد بغنى مع نفسى بصنفر فى حته فى القطاع الألوميتال وهو هناك فى آخر القطاع وبيصنفر وبيغنى برده ... مش مهم أنا بغنى بقول إيه المهم هو بيغنى بيقول إيه ؟؟
عمال يغنى ويقول أديك تقول ما خدتش يا ناكر الجميل وتشوف تقول ماشوفتش متشكرين يا أصيل ...
طبعا ماقلهاش كده...تعالو بينا نعيد صياغتها زى ما قالها محمود سميو اللى هو محمود سمير .
( أديك تقول ما خدتش يا ناكيو الجميل ... وتشوف تقول ما شوفتش متشكوين يا أصيل )
طبعا أنا قاعد بسمع التحريف الغير مقصود ده ومش قادر أمسك نفسى من الضحك ...
وعمال يعيده ويزيدها لحد ما رحت دايس على رجليه بدون مقدمات علشان يسكت ...
ورحت هامسله بضيق ونرفزه المهندسه وراك يا بقره ... قعد يضحك وقاللى البت دى وحشه قوى مش مزه خالص بصواحه بصواحه يعنى...
قلتله مين يا خويا ؟ قاللى المهندسه قلتله لألألأ مش قصدى على المهندسه قاصدى على آخر كلمه بتاعة الص...إيه
رد بإندهاش الصواحه إنها مش حلوه
قلت آآآآآآآآآآآآه قصدك الصراحه
طب قول ورايا بقى الصراحه راحه والكدب حرام
راح قايل الصواحه واحه والكدب حوام
قلتله بااااااااااااااس بااس كمية الوحوحه اللى بتوحوحها دى إنت واكل شطه على الصبح ...
دا إنت بايظ يا قلبى خالص .
و قعد يدردش معايا وأنا مش فاهم تلات إرباع كلامه .
بس اللى فهمته إنه بيكره اخته قوى وبيتمها بإتهامات خطيره جدا وإنها بتحب حاجه تيييييييت حاجه تيييييييت قوى
وانا بدأت اهدى فيه وأقولله بلاش تقول كده عيب دى اختك وأمك برده
وبعد كللللللل ده طلع يقصد كلام وانا فهمت كلام تانى
هو بيقول أختى بتحب التت......... وأمى هى اللى معلماها.
وطلع فى الآخر يقصد انها بتحب التطريز مش التت....... .
إفهموها بقى ها تودونا فى داهيه
ليست هناك تعليقات:
إرسال تعليق