أغرب شىء بتعرضله مع الناس إنهم بيحبوا حاجات أنا ما بحبهاش وبيكرهه حاجات انا بحبها البيض مثلا أنا مابحبوش
ومسميه مشروع كتكوت وفشل
والصفار ده بتخيله الريش وهو لسه بيتكون والبياض الماده المقرفه اللى حوالين الكتكوت بعد ما تتهدرج والله اعلم ( ما علينا من الكتكوت والبيضه واللى سلقها واللى كلها هم هم هم )
خلينا فى الفار
الفار يا إخوانى كائن جميل ولذيذ وتعجبنى سرعته ورشاقته ولياقته وشهامته وجدعنته ومواقفه ( اوفر قوى انا صح ؟ over )
واحد من الحضور يقوللى بقى كل ده بتتكلم عن الفااااااااااااااار
أقولله ماله الفار ده كائن حى زيه زيك ومن حقه يعيش زيه زيك تمام
ده الفار ده مفيد جدا بيعالج الصلع لو واحد عنده صلع جامد هى ديتها بس بوسه للفار فى بقه ها يطلعله شعر فوووووورا ولو عندك إلتهابات سيب الفار يتف عليها ها تورم .... قصدى ها تخف فورا ولو عندك أنفلونزا الخنازير وجيت أكلت مع فار فى طبق واحد او على طرابيزه واحده او فى مطعم واحد بس هو على طرابيزه وإنت على طرابيزه تانيه برده ها ينقللك الطاعون وبكده يبقى الفار أفادك
كان عندك انفلوزا الخنازير بقيت عندك طاعون كمان
عايز إيه تانى يا اخى دا إنت طماااااع بشكل
دلوقتى الفار عمل معايا موقف جدعه جدا جدا كنت مخنوق من واحده قريبتى وبعدين راحت الحمام ودعيت عليها ربنا يحوجها ليا علشان تعرف قيمتى وفعلا بعديها بشويه سويييييييييييييييييط رهيب وهستيرى وعصبى وديناميكى حاد ....
ولقيت فار لونه فرانى كده بيجرى على جتة البت داير ما يدور ( هايص إبن الجنيه )
وانا عامل حجتى الفار وفين يوجعك.. فين يوجعك
لحد ما البت جتتها إستوت على الحنبين وكل ده عامل نفسى بضرب الفار اللى عليها
وهوب الفار جرى على البلاعه وهديتها قولتلها الفار مشى خلاص
وبرده الفار عمل معايا حركة جدعنه أكبر كنت فى شركة إبادة حشرات وجه نط على
على مهندس حبيبى برده والمهندس ده قد ما كنت بخاف منه وما بحبوش قد ما فرحت فيه وإتصدمت اكتر من الأصوات البناتى الغريبه اللى طلعها المهندس لما الزبون طلع على جتتوا كمان وانا بقى هصت تانى ومسكت الموبيد بتاع الشركه وغرقت المهندس من فوووووووووق لتحت روح معانا فى الباص ومحدش قادر ولا طايق ريحته
ههههههههه شرير انا؟؟؟ مش كده ؟؟؟
لكن الثقه المتابدله بينى وبين الفار إنحدرت بعد الحرب العالميه التالته واللى إتنقور وإتنخور فيها ست بنطلونات على خمس تيشرتات على أربع جواكت وماقربش الفار خالص ناحية الشربات بتاعتى لييييييييييه ؟ مش عارف ليه رغم إنى بعمللهم نظافه دوريه كل ست سنين
وقررت انتقم من أى فار يقابلنى وفعلا ربنا نولهالى ولقيت جدى ماسك فار جوه المصيده وماسك ميه سوخنه ناااااااااار وراح دالقها عليه الفار يا ولداه قعد يسوسو وينونو ويهوهو وفى الأخر لقى رب كريم بعد انا كفر عن سيئاته وسيئاتى انا كمان
وبعدين أخد جدى الفار وقاللى حطه فى شنطه وإرميه فى اى خرابه تقابلها اخدته بعييييييييييييييييييييد ورجعت لقيتهم بياكلوا قعدت اكلت معاهم وجت سوسو حبيبتى المفعوصه وقلبت فى حاجتى رغم تحزيراتى ليها الكتير وراحت راقعه بالصوت وجريت قاللوها مالك يا بت قالت فاااااااااار
قالولى يخرب بيتك عيل مش قولنالك إرمييييييييه
رديت بهدوء وبقى كله اكل : مالقتش مكان فى الخرابه أصل كووووووووووولها زباله...
ملحوظه فعلا فيه مستخلصات وأعشاب وكلام فاضى من بتوع 0900 بيقول غنهم بيطولوا الشعر بجلد الفار
ليست هناك تعليقات:
إرسال تعليق